Behzod Musayev Davlat soliq qo‘mitasi raisi etib tayinlandi
Davlat soliq qo‘mitasi raisining birinchi o‘rinbosari Musayev Behzod Anvarovich Davlat soliq qo‘mitasi raisi etib tayinlandi. Bu haqda qo‘mita axborot xizmati xabar berdi.
«Behzod Musayev mamlakatimiz Prezidentiga sodiq, keng dunyoqarashga ega, uzoqni ko‘zlovchi, tinmay izlanuvchan va oldiga hamisha strategik vazifalarni maqsad qilib kelgan yuqori malakali mutaxassisdir.
B.Musayev rahbarligida Prezidentimiz tashabbusi bilan joriy etilayotgan soliq tizimini liberallashtirish, tadbirkorlar faoliyatini qo‘llab-quvvatlash, davlat soliq xizmati organlarini insofli soliq to‘lovchilarning ishonchli hamkoriga aylantirish yo‘lidagi islohotlar faollik bilan hayotga tatbiq qilinmoqda», deyiladi qo‘mita axborotida.
Eslatib o‘tamiz, shu yilning 11 may kuni Davlat soliq qo‘mitasi raisining birinchi o‘rinbosari lavozimida ishlab kelgan Musayev Behzod Anvarovich qo‘mita raisi vazifasini bajaruvchi etib tayinlangandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter