Navbahorda ikki qishloqni bog‘lovchi ko‘prik buzildi. Aholi bundan norozi
Navoiy viloyati, Navbahor tumanining G‘ujbog‘tepa hamda Sug‘diyona qishloqlari o‘rtasidan o‘tuvchi zovurda xalq tomonidan hashar yo‘li bilan qurilib, 14 yildan buyon foydalanib kelinayotgan ko‘prik o‘tgan hafta irrigatsiya korxonasi tomonidan qazish ishlari vaqtida buzib tashlangan. Bu haqda «Navoitoday» xabar berdi.
Xalqning qarshiligiga qaramasdan amalga oshirilgan mazkur ish yuzasidan aholi tuman mas’ullariga murojaat qilgan bo‘lsa-da, bugungacha masala hal etilgani yo‘q, deyiladi xabarda.
Mahalliy aholi endi qaysi yo‘ldan qatnaydi? Fotolardan ko‘rish mumkinki, endi ular (ayniqsa, bolalar) o‘z sog‘lig‘ini xavfga qo‘yib, zovurdan xatlab o‘tishga majbur.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter