Xabarlar tezkor Telegram kanalimizda Obuna bo'lish ×

Qo‘qon shahar hokimining birinchi o‘rinbosari jinoyat ustida qo‘lga olindi

Qo‘qon shahar hokimining birinchi o‘rinbosari jinoyat ustida qo‘lga olindi

Qo‘qon shahar hokimining birinchi o‘rinbosari A.N. jinoyat ustida qo‘lga olindi. Ayni ma’lumotni “Xabar.uz”ning huquqni muhofaza qilish organlaridagi manbasi tasdiqladi.

Unga ko‘ra, mansabdor Qo‘qon mintaqaviy temir yo‘l uzeli moliya bo‘limi boshlig‘i o‘rinbosari O.M. bilan birga ushlangan.

Aytilishicha, ikki mansabdor jinoiy til biriktirib, bir tadbirkorga mazkur temir yo‘l uzeli balansida bo‘lgan 2,5 gektar yer maydonidagi bino va inshootlar bo‘yicha o‘tkaziladigan auksion savdolarda uning foydasiga qaror chiqartirib berish evaziga 180 000 dollar talab qilgan.

Talab qilgan puldan 10 ming dollarini olayotgan paytda tegishli organlarning tezkor xodimlari tomonidan qo‘lga olindi.

Ayni paytda ularga nisbatan firibgarlik va pora berishga qasd qilish alomatlari bilan jinoyat ishi qo‘zg‘atilib, qamoqqa olingan.

Dastlabki tergov harakatlari o‘tkazilmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring