O‘zbekistonning Rossiyadagi elchixonasi ko‘magida, bir guruh vatandoshlarimiz «Saxovat» yordam markazini tashkil etdi.

COVID-19 pandemiyasi sababli, Rossiya Federatsiyasida og‘ir hayot sharoitlariga tushib qolgan o‘zbekistonliklar va ularning oila a’zolariga yordam ko‘rsatish bo‘yicha tizimli ishlarni tashkil etish ularning asosiy vazifasidir.

16-apreldan boshlab markaz saxovat.rf portali orqali va markazning Facebook sahifasida yordam so‘rovnomalarini qabul qilishni boshlaydi.

Markazning xodimlari Moskva va Moskva viloyatida yashovchi muhtoj o‘zbekistonlik fuqarolarga oziq-ovqat mahsulotlari va dori-darmonlarni manzillariga yetkazib berishni rejalashtirishmokda.

Birinchi navbatda, yordam ayollarga, kariyalarga, nogironlar va yosh bolalarga ko‘rsatiladi.

Bundan tashqari, markaz +79167977772 «ishonch telefoni» orqali yurtdoshlarimizga bepul axborot-huquqiy yordam ko‘rsatadi.

Siz ham hissa qo‘shmoqchi bo‘lsangiz: bank pul o‘tkazmalari (sahifa bu yerda) orqali Rossiyada bo‘lgan vatandoshlarimizga yordam berishingiz mumkin. Yoki «Saxovat» yordam markazining volontyori bo‘lishingiz mumkin.