Soliqdan qarz bo‘lganlarning chirog‘ini o‘chirib qo‘yish rejalashtirilyapti
Tegishli qaror bilan Soliq qo‘mitasi hamda Iqtisodiyot va moliya vazirligining soliq munosabatlarini tashkil etishda yangicha yondashuvni nazarda tutuvchi takliflari ma’qullandi.
Unga ko‘ra, 2026-yil 1-yanvardan boshlab jismoniy shaxslardan olinadigan mol-mulk va (yoki) yer solig‘i bo‘yicha umumiy summasi 1 mln so‘mdan oshgan soliq qarzdorligini undirishda elektr energiyasining billing tizimi mexanizmidan foydalaniladi.
28-noyabrdagi PQ-364-son qarorning tegishli bandida ushbu mexanizmning qanday ishlashi haqida aniq tafsilotlar berilmagan.
Biroq, agar 2026-yilning 1-yanvaridan boshlab Namangan viloyatida sinab ko‘riladigan «yangi soliq boshqaruvi modeli» samarali deb topilsa, Qo‘mita bu boradagi takliflarini 2026-yilning oktyabriga qadar Hukumatga kiritishi kerakligi aytiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter