Sizni birinchi million dollarga olib chiqadigan 5 ta kitob boylik haqidagi eski tushunchalaringizni butunlay o‘zgartirib yuboradi. Aksariyat insonlar boylikka yetishishni ko‘proq ishlash yoki yaxshiroq ish topish deb o‘ylaydi. Ammo boyib ketish siri haqiqatda ancha boshqacha.

Haqiqat shundaki, moliyaviy muvaffaqiyat pullardan  emas, miyadan boshlanadi. Tadqiqotlarga ko‘ra, insonlarning moliyaviy qarorlarining katta qismi mantiqiy hisob-kitobdan emas, balki odat va hissiyotlardan kelib chiqadi.

Balki sizga kulgili tuyular, ammo dunyodagi eng muvaffaqiyatli investorlar va tadbirkorlarning fikricha, boylikka olib boradigan yo‘l — kitoblardan boshlanadi. Quyidagi 5 kitob esa aynan shu fikrni amalda o‘zgartirib beradi.

• “Vavilonning eng boy odami” — ushbu kitobning eng kuchli g‘oyasi juda oddiy, lekin hayotingizni o‘zgartira oladi: “Avvalo o‘zingga to‘la”! Asarda qadimgi Vavilon misoli orqali moliyaviy intizom o‘rgatiladi. Asosiy qoida daromadning kamida 10 foizini doimiy ravishda jamg‘arish. Chunki boylik katta pul bilan emas, oddiy tizim bilan boshlanadi.
• “Pul psixologiyasi” — bu kitob moliya haqida emas, inson haqida. Pulni yo‘qotishning asosiy sababi — bilim emas, xulq-atvorda. Ko‘p investorlar bozorda emas, o‘z hissiyotlarida yutqazadi. Har safar moliyaviy qaror qabul qilishdan oldin kamida 24 soat kutish kerak.
• “Boy ota, kambag‘al ota” — bu kitob boy va kambag‘al fikrlash orasidagi farqni ochib beradi. Aktiv — pul olib keladi, passiv — pul olib ketadi. Ko‘pchilik esa passivlarni aktiv deb o‘ylab xato qiladi. Har xariddan oldin o‘zingizga savol bering: “Bu menga pul olib keladimi yoki olib chiqadimi?”
• “O‘yla va boy bo‘l” — bu kitobda eng muhim g‘oya shunday: katta boylik avval fikrda yaratiladi. Ya’ni, inson avval miyasida “boy bo‘lishga ruxsat beradi”, keyin real hayotda o‘sa boshlaydi. Aniq moliyaviy maqsadni raqam bilan yozing va har kuni uni ko‘z oldingizga keltiring.
• “Atom odatlar” — mazkur kitob boylikning “sirli kaliti”ni ochadi: katta natijalar kichik odatlar yig‘indisidir. Ilmiy jihatdan inson hayotining 80–90 foiz natijalari odatlardan shakllanadi.

Ko‘plab odamlarni orqaga tortadigan eng katta muammo pul haqidagi noto‘g‘ri fikrlar:

1. Menga pul doim yetishmaydi — bu fikr doimiy tanqislik hissini yaratadi.

2. Katta pullar men uchun emas — bu fikr insonni harakat qilishdan to‘xtatadi.

3. Barqarorlik hamma narsadan muhim! Barqarorlik yaxshi, lekin o‘sishsiz barqarorlik — to‘xtab qolish demakdir.

Unutmang, siz birinchi million dollaringizni ko‘proq ishlashdan emas, balki to‘g‘ri fikrlash, to‘g‘ri odatlaringiz va to‘g‘ri qarorlar qabul qilish orqali topasiz!