Fransiyada “Hamma narsani to‘xtat!” shiori ostidagi ommaviy norozilik namoyishlari avj oldi. Natijada politsiya allaqachon 473 kishini hibsga oldi, deb xabar berdi Fransiyaning BMFTV telekanali. 

Mamlakat ichki ishlar vazirligi ma’lumotlariga ko‘ra, hibsga olinganlarning 203 tasi Parijda bo‘lgan. Telekanal, shuningdek, namoyishchilar bilan to‘qnashuvda 13 nafar xodim yengil jarohat olgani haqida xabar berdi. 

Fransiya Ichki ishlar vazirligi ma’lumotlariga ko‘ra, aksiyada mamlakat bo‘ylab 175 ming ishtirokchi bor. Namoyishlar boshlanganidan beri mamlakatda 262 barrikada o‘rnatilgan. 

Fransiyada namoyishchilar mamlakat budjetining qayta taqsimlanishiga qarshi chiqishmoqda. Hukumat tejamkorlik kursini oldi. Shunday qilib, sobiq bosh vazir Fransua Bayru taqdim etgan qonun loyihasiga ko‘ra, mamlakat hukumati bir nechta bayramlarni bekor qilishni, pensiya va ijtimoiy nafaqalarni indeksatsiya qilmaslikdan tejashni, shuningdek, Mudofaa vazirligi xarajatlarini oshirish uchun 3,5 milliard yevroni qayta taqsimlashni istayotgandi.

Oxir-oqibatda Bayru iste’foga chiqdi, prezident Makron esa mudofaa vazirini bosh vazirlikka tayinladi.