Javohir Sindarov AQShlik kuchli raqibi ustidan g‘alaba qozondi
Javohir Sindarov kuchli raqib ustidan g‘alaba qozondi.
O‘zbekistonlik shaxmatchi Javohir Sindarov Kiprda o‘tayotgan Nomzodlar turnirining beshinchi turida qora donalarda musobaqaning ikkinchi raqamli favoriti, AQShlik Hikaru Nakamurani mag‘lub etdi.
U ushbu turnir tarixida startdayoq 5 imkoniyatdan 4,5 ochko jamg‘argan ilk o‘yinchiga aylandi.
Kuchli raqiblar (Pragnanandha, Karuana va Nakamura) ustidan qozonilgan ketma-ket g‘alabalar tufayli Sindarov jahon onlayn reytingida 5-o‘ringa ko‘tarildi (4-o‘rinda yana bir o‘zbekistonlik Nodirbek Abdusattorov bormoqda).
Javohir Sindarov avval Fabiano Karuanani mag‘lub etgan va Nomzodlar turnirida yetakchilikni qo‘lga olgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter