«Jiddiy tahdid»: Shimoliy Koreya ikkita ballistik raketa uchirdi
CNN telekanali AQSh ma’muriyatidagi yuqori lavozimli amaldorga asoslanib, Shimoliy Koreya ikkita ballistik raketani uchirganini ma’lum qildi.
Manbaning ta’kidlashicha, bu haqda tegishli ma’lumotlar mavjud va ular AQSh razvedka hamjamiyati vakillari tomonidan o‘rganilmoqda.
Shu bilan birga, Amerika razvedkasi hali raketalarning turini, shuningdek ularning uchish masofasini aniqlamagan.
Oldinroq Yaponiya Shimoliy Koreyaning ballistik raketasini uchirishi mumkinligini ma’lum qilgandi. Shu bilan birga, Yaponiya hukumati bu harakatlarni «dunyo hamjamiyati uchun jiddiy tahdid» degan fikrni bildirdi.
Eslatib o‘tamiz, avvalroq AQSh tomoni bir oy mobaynida KXDR bilan bog‘lanish yo‘llarini topa olmaganini bildirgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter