O‘zbekiston fransuz sayyohi nigohida. 1956 yil
Fransiyalik olim, tarixchi va kommunistik partiya a’zosi Jak Dyupake (Jacques Dupâquier) 1950 — 1970-yillarda uch marta sobiq SSSR hududiga sayohat qilgan. Ana shunday safarlardan birida u 1956 yili O‘zbekistonga kelib, diqqatga sazovor joylarni, odamlarni suratga olgan. Keyinchalik Fransiya ijtimoiy fanlar instituti direktori vazifasida ishlagan olim o‘z intervyusida Toshkent safarini yodga oladi.
«Bir necha kun Moskvada bo‘lgach, O‘zbekiston poytaxti Toshkentga uchdik. Biz 3200 metrdan balandga ko‘tarila olmaydigan eski samolyotda yo‘lga chiqdik. Men nafasimni ichimga yutib, Markaziy Osiyoni yuqoridan tomosha qildim. Toshkent stalincha usuldagi yagona shohko‘chaga ega, asosan kichik uylardan iborat shahar ekan. To‘g‘ri, o‘n yillardan keyin bu yerlar buzib tashlangan (1966 yildagi zilziladan keyin). Men shaharni ko‘p aylandim, bozorlarga bordim, ro‘mol o‘ragan ayollarni, masjidni ko‘rdim. Doim rus millatiga mansub hamrohi bilan yuruvchi mahalliy rasmiy shaxslar bilan uchrashdim. Safar davomida «sherik»lar mendan ko‘ra o‘z rahbarlarini ko‘proq kuzatishayotgandek tuyuldi.
Moskva — Toshkent yo‘nalishida samolyot darchasidan ko‘p marta suratga oldim. Qaysidir vaqtda biz maxfiy lagerlar ustidan uchdik, o‘sha paytda styuardessa suratga olishni taqiqladi. U kokpitga qaytganida men suratga olishda davom etdim. Tarjimon yoki boshqa shaxslar meni bu ishimdan qaytarishmadi».
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter