Prezident yozuvchilar uchun qurilgan yangi uylarni borib ko‘rdi (foto)
Prezident Shavkat Mirziyoyev Shayxontohur tumani Kamolon mahallasida qurilayotgan ko‘p qavatli uylarni borib ko‘rdi. Bu haqda Prezidentning matbuot xizmati xabar bermoqda.
Davlatimiz tomonidan ijodkorlarni qo‘llab-quvvatlashga qaratilayotgan e’tibor natijasida Milliy bog‘ yonidagi so‘lim maskanda Adiblar xiyoboni, Yozuvchilar uyushmasining yangi binosi barpo etilgan edi. Ushbu xiyobon ro‘parasida qurilayotgan mazkur uy-joylar yozuvchi va shoirlarga beriladi. Uyning birinchi qavatida 60 o‘rinli maktabgacha ta’lim muassasasi va oilaviy poliklinika tashkil etiladi.
Shavkat Mirziyoyev qurib bitkazilgan xonadonlardan birini va maktabgacha ta’lim muassasasini kirib ko‘rdi. Oilalarning tinch-farovon yashashi, bolalarning barkamol bo‘lib ulg‘ayishi uchun zarur sharoitlarni yaratish bo‘yicha topshiriqlar berdi.
Shu yerda Toshkent shahri tumanlarida zamonaviy turar joy majmualari, ishbilarmonlik markazlari, dam olish maskanlari va sayilgohlar qurish, jamoat transporti xizmatini yaxshilash bo‘yicha loyihalar taqdimoti o‘tkazildi.
Davlatimiz rahbari mutasaddilarga loyihalarni takomillashtirish bo‘yicha ko‘rsatmalar berdi.
Prezidentimiz Bo‘zsuv kanali bo‘ylab qurilgan so‘lim sayigohni ham ko‘zdan kechirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter