Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Shavkat Mirziyoyev eski uylarda yashayotganlarga munosib sharoitlar yaratish bo‘yicha topshiriq berdi

Shavkat Mirziyoyev eski uylarda yashayotganlarga munosib sharoitlar yaratish bo‘yicha topshiriq berdi

Foto: Prezident matbuot xizmati

Prezident Shavkat Mirziyoyev Andijon viloyatiga tashrifi chog‘ida Andijon shahridagi eski mahallaga kirib, odamlarning turmush sharoitlarini ko‘zdan kechirdi. Bu haqda prezident matbuot xizmati xabar berdi.

Shahar markazida joylashgan bu mahallada uylar ichma-ich, tartibsiz qurib tashlangan. Muhandislik tarmoqlari yo‘qligi sabab devorlar nurab, sanitariya holati yomonlashib qolgan edi.

Foto: Prezident matbuot xizmati

Davlatimiz rahbari bu ahvol bilan bevosita tanishib, odamlar bilan suhbatlashdi. Bunday sharoit xalqimizga yarashmasligini, mahalla aholisi yangi qurilayotgan zamonaviy uylarga ko‘chirilib, munosib sharoitlar bilan ta’minlanishini ta’kidladi.

Shu yerda Andijon shahrida amalga oshirilishi rejalashtirilgan bunyodkorlik ishlari muhokama qilindi. Jumladan, mazkur eski mahalla hududida 9 qavatli 70 ta ta turar joy barpo etish bo‘yicha vazifalar belgilandi.

Foto: Prezident matbuot xizmati

Davlatimiz rahbariga «Andijan sity» ishbilarmonlik shaharchasi qurilish loyihasi haqida ham ma’lumot berildi. Qariyb 70 gektar maydonda bunyod etilishi mo‘ljallangan ushbu shaharcha besh yulduzli mehmonxona, kongress xoll, ofislar, sog‘lomlashtirish va ko‘ngilochar joylar, restoranlar, 7, 9 va 12 qavatli turar joylardan iborat bo‘ladi.

Prezidentimiz bu shaharcha uzoqni o‘ylab, kompleks yondashuv asosida qurilishi, u Andijon uchun namuna, andoza bo‘lishi kerakligini ta’kidladi. Shu bo‘yicha mutasaddilarga ko‘rsatma va tavsiyalar berdi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring