Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Ushbu haftada anomal ob-havo kuzatiladi

Ushbu haftada anomal ob-havo kuzatiladi

Foto: Xabar.uz

«O‘zgidromet» yangi haftada kutiladigan ob-havo ma’lumotini e’lon qildi. 

Bugun va ertaga O‘zbekiston hududi bo‘yicha quyoshli va ochiq kun bo‘lishi kutilmoqda, tushdan so‘ng havo 12-17° iliqqacha isiydi, kechalari havo harorati 3-6° iliqni tashkil yetadi.

Qishning birinchi kunlarida anomal iliq ob-havo kuzatiladi, 1-2-dekabrda horijiy janubiy hududlardan iliq havo massalari kirib kelishi kutilmoqda, harorat kechalari 6-9° iliqqacha, kunduz kunlari 17-22° iliqqacha ko‘tariladi, bu dekabr oyi boshi uchun bo‘lgan me’yordan 8-11° ga yuqoridir.

Faqat 2-dekabrda shimoliy hududlarga biroz nam va salqin havo massalari kirib kelishi kutilmoqda, buning hisobiga Qoraqalpog‘istonda va Xorazm viloyatida ba’zi joylarda yomg‘ir yog‘ishi mumkin.

3-dekabrda havo massalarining kirib kelishi respublikamizning qolgan hududlariga tarqaladi. Respublikaning ayrim tumanlarida (shimoliy hududlar va Farg‘ona viloyatidan tashqari) biroz yomg‘ir yog‘ishi ehtimoli istisno emas. 3-dekabrda harorat foni nisbatan pasayadi, lekin hali ham me’yordan yuqori bo‘ladi. Kunduz kunlari havo harorati 13-18 daraja iliqni tashkil etadi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring