Albaniyada sun’iy intellekt vazir lavozimiga tayinlandi
Diella SI-botining ko‘rinishi.
Albaniyada neyrotarmoq vazir lavozimiga tayinlandi, deb xabar berdi Gazeta Express. Hali hech bir davlatda sun’iy intellektga bu darajada yuqori mansab ishonib topshirilmagan.
Diella nomli sun’iy intellektli bot davlat xaridlari vaziri bo‘ldi. Albanlar shu tarzda korrupsiya ildiziga bolta urishmoqchi, axir neyrotarmoq sotilmaydi.
Bungacha Diella Albaniyaning onlayn davlat xizmatlarida yordamchi edi, mana endi mansabi oshdi.
Albaniya bosh vaziri Edi Rama tayinlov yuzasidan chiqishida aytdiki, Vazirlar mahkamasining ilk raqamli a’zosi, ya’ni Diella barcha yig‘ilishlarda qatnashadi. Uni na sotib olish mumkin, na tahdid va bosimlardan qo‘rqadi.
Diella — alban tilida «Quyosh» degani. Korrupsiyadek zulmatni yoritish — fosh etish uchun bundan-da yorqin nomni topish ilojsiz.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter