Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

UMSga yer uchastkalari auksionsiz beriladi

UMSga yer uchastkalari auksionsiz beriladi

Foto: «UMS»

Raqamli iqtisodiyot va «Elektron hukumat» tizimi infratuzilmalarini yanada rivojlantirish chora-tadbirlari to‘g‘risida Prezident qarori (2019-yil 18-may, PQ–4321) qabul qilindi. Bu haqda «Huquqiy axborot» kanali xabar berdi.

Qarorga muvofiq:

  • «UZINFOCOM»ning  ustav kapitalidagi davlat ulushi kamida 51 foizga oshiriladi;
  • keyinchalik «UZINFOCOM»dagi davlat ulushi «Universal Mobile System» (UMS) ustav kapitalini ko‘paytirish hisobiga o‘tkaziladi.

«Elektron hukumat» va raqamli iqtisodiyot doirasidagi idoraviy axborot tizimlari, ma’lumotlar bazalari, dasturiy mahsulotlarni joriy etish bo‘yicha qarorlar ularni amalga oshirishning moliyaviy manbalarini aniq ko‘rsatgan holda qabul qilinadi.

UMS axborot-kommunikatsiya texnologiyalari sohasidagi xaridlarning texnik topshiriqlarini faqat Elektron hukumat va raqamli iqtisodiyot loyihalarini boshqarish markazi bilan kelishgan holda amalga oshiradi.

Davlat organlariga «Elektron hukumat» tizimi doirasida o‘z ma’lumotlarini qayta ishlash markazlarini tashkil etish va qurish taqiqlanadi.

UMS o‘ziga yuklangan vazifalar doirasida 2022-yil 1-yanvargacha chetdan olib kiriladigan tovarlar uchun bojxona to‘lovlaridan ozod etiladi.

Telekommunikatsiya ob’yektlarini qurish uchun UMSga yer uchastkalari auksionsiz beriladi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring