Eng xavfli terrorchilardan biri qatl etildi — Misr
Misrda eng xavfli terrorchilardan sanalgan Hisham Ashmaviy qatl etildi. Ushbu xabarni Misr qurolli kuchlari rasmiy vakili polkovnik Tamer Rifai, bugun, 4-mart kuni «Facebook» orqali ma’lum qildi.
Hukm qamoqxonalardan birida tongda ijro etilgan.
Harbiy tribunal Ashmaviy va uning 36 nafar sherigiga 2-mart kuni o‘lim jazosi belgilagan edi.
Jangari guruh rahbari Hisham Ashmaviy va yana 200 kishi ko‘plab jinoyatlar va teraktlarga aloqador «Ansor Bayt al-Maqdis» (IShIDga qo‘shilganidan so‘ng nomi «Sinay viloyati»ga o‘zgargan) ekstremistik tarmog‘i ishi doirasida ayblangandi.
Sobiq harbiy bo‘lgan Hisham Ashmaviy keyinchalik terrorchilar safiga qo‘shilib ketgan. U va sheriklari 54 ta jinoyatda ayblandi: politsiyachilarni o‘ldirishgan, Qohira xavfsizlik boshqarmasi binosini portlatishgan, masjid va boshqa binolarni portlatishgan, talonchilik bilan shug‘ullanishgan.
Ular, shuningdek, Misr sobiq ichki ishlar vaziri Muhammad Ibrohimga suiqasd uyushtirishga urinib ko‘rishgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter