Polsha prezidentligi uchun saylovda konservator g‘alaba qozondi — matbuot
Karol Navrotskiy.
Polsha prezidentligi uchun kecha, 1-iyun kuni bo‘lib o‘tgan saylovning ikkinchi turida konservator va yevroskeptik Karol Navrotskiy g‘alaba qozondi. Bu haqda dastlabki ma’lumotlarga asoslanib mamlakat matbuoti yozmoqda.
Xususan, Davlat saylov komissiyasining 2-iyun ertalab soat beshdagi ma’lumotiga asoslanib Gazeta Wyborcza va TVN24 telekanali xabar berishicha, ovozlarning 50,89 foizini Navrotskiy qo‘lga kiritgan, hukmron koalitsiya va liberallardan nomzod Rafal Tshaskovskiy to‘plagan ovozlar — 49,11 foiz.
Foto: Euro Topics
Navrotskiyning g‘alabasi sababli Polshaning Yevropa Ittifoqi va Ukraina bilan munosabatlari zaiflashishi, shuningdek, konservator-prezident va liberal hukumat o‘rtasida ichki siyosiy inqiroz yuz berishi mumkin.
Navrotskiy Ukrainaning NATOga qabul qilinishiga hamda qo‘shni mamlakatni Yevropa Ittifoqiga shoshilinch a’zo qilish harakatlariga qarshi bo‘lib kelgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter