Калифорниядаги қор кўчкисида 9 киши ҳалок бўлди
Қутқарувчилар Калифорниядаги Касл-Пик тоғида кўчкидан кейин бедарак йўқолган тўққизинчи чанғичи жасадини топдилар. Жами 15 киши кўчки остида қолди. Тўрт эркак ва икки аёл қутқарилди.
The New York Times газетасининг хабар беришича, кўчки 17 феврал куни содир бўлган. Олти киши смартфонларида SOS функциясидан фойдалангандан сўнг қутқарилган. Омон қолганлар қутқарувчиларни учта қурбоннинг жасадига олиб боришди. Кейинчалик яна беш нафар чанғичи жасадлари топилди. Тўққизинчи қурбоннинг жасади қидирув бошланганидан бир ҳафта ўтгач топилди.
Барча 15 чанғичи Касл-Пик ҳудудида ёввойи табиатга саёҳатни якунлаётган гуруҳ аъзолари эди. Улар орасида тўрт нафар профессионал гид ва минтақага мунтазам равишда ташриф буюрадиган дўстлар гуруҳи бор эди. NYT маълумотларига кўра, минтақада кучли қор бўрони башорат қилинган ва саёҳат бошланишидан олдин юқори кўчки ҳақида огоҳлантириш амал қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter