Роналд Рейганнинг ўғли вафот этди
Майкл Рейган, 2010 йил.
АҚШнинг 40-президенти — Роналд Рейганнинг ўғли Майкл Рейган 80 ёшида Лос-Анжелесда вафот этди, деб хабар берди ABC News телеканали.
Майкл Рейган яқинлари қуршовида оламдан ўтган. Young America’с Foundation ташкилоти маълумотига кўра, у анчадан бери саратон касаллиги билан курашиб келган.
Майкл Рейган (1945 йил 18 мартда туғилган) — Роналд Рейганнинг беш фарзандидан бири. Роналд Рейган ва биринчи рафиқаси, актриса Жейн Уаймен уни асраб олишган. Ушбу никоҳдан туғилган Морин Рейган 2001 йилда вафот этган, яна бир қиз Кристин Рейган гўдаклигида оламдан ўтган. Нэнси Рейган билан иккинчи турмушидан Роналд Рейганнинг икки фарзанди бор — Патти Дэвис ва Рон Рейган.
Майкл Рейган консерватив сиёсий шарҳловчи, радио бошловчиси, китоблар муаллифи ва нотиқ сифатида танилган. Роналд Рейган номидаги Президент кутубхонаси фонди ва институти уни отасининг изчил меросхўри дея таърифлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter