Владимир Зеленский мусулмонлардан узр сўради
Украинанинг янги сайланган президенти Владимир Зеленский «1+1» телеканалида Чеченистон раҳбари Рамзан Қодиров билан боғлиқ лавҳа учун бутун мусулмон аҳлидан узр сўради.
Ушбу телеканалдаги «ЧистоNews» кўрсатувида Рамзан Қодиров ибодатдан сўнг йиғлаётган ҳолатда тасвирланган. Зеленскийнинг сўзларига кўра мусулмонларнинг эътиқодини беҳурмат қилиши мумкин бўлган ушбу лавҳа тасодифан эфирга кетиб қолган. У шу боисдан «бутун мусулмон олами»дан узр сўради. Зеленский шу билан бирга «ўз ҳазили учун» кечирим сўрамаётганини ҳам билдирган.
«Мен айтдимки, агарда мусулмон оламидан ҳеч бўлмаганда бир кишини хафа қилган бўлсак ҳам, бу жуда хунук иш бўлади. Чунки дин — нозик масала», — дейди Зеленский.
Эслатиб ўтамиз, «1+1» телеканали украиналик олигарх Игор Коломойскийга тегишлилиги айтилади. Украинадаги президентлик сайлови олдидан Владимир Зеленский айнан Коломойский билан яқин алоқада бўлишда айбланган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter