Месси Испания футбол клубини сотиб олади — ОАВ
Аргентиналик ҳужумчи Лионел Месси Испаниянинг «Элденсе» футбол клубини сотиб олади. Бу ҳақда Marca хабар берди.
Нашр маълумотларига кўра, 39 ёшли «Интер Майами» футболчиси клубнинг амалдаги эгалари билан келишувга эришган. «Олтин тўп»нинг саккиз карра соҳиби «Элденсе» акцияларининг 100 фоизини сотиб олишни режалаштирмоқда.
«Лионел Месси билан акцияларни сотиб олиш бўйича дастлабки келишувга эришилди. Натижада у клубнинг назорат пакетини эгаллайди. Айни пайтда қолган юридик ва шартномавий жараёнлар, жумладан, комплекс текширув ҳамда Испания Миллий спорт кенгашидан зарур рухсатни олиш ишлари якунланмоқда», — дейилади клуб баёнотида.
Апрел ойида Месси Испания футболининг бешинчи дивизионида иштирок этадиган «Корнеля» клубининг эгасига айланган эди.
«Элденсе» жорий мавсумда Испаниянинг иккинчи кучли лигаси — Сегундада иштирок этмоқда. Жамоа икки очко жамғарган ва турнир жадвалида 20-ўринни эгаллаб турибди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter