Байрам ва муҳим саналар

• Жаҳон метеорология куни.

Воқеа-ҳодисалар

• 1841 йил — Ричард Биэрд Лондонда Европадаги биринчи фотоательени очди. Бир йил аввал шунга ўхшаш муассаса Александр Уолкотт томонидан Нью-Йоркда ишга туширилганди.
• 1848 йил — Венгрия Австриядан мустақил бўлиб чиқди.
• 1876 йил — рус муҳандиси Павел Яблочков электр лампочкаси учун патент олди.
• 1891 йил — футбол дарвозаларида илк марта тўр ишлатилди. Ўшанда Англияда мамлакатнинг Шимол ва Жануб терма жамоалари майдонга тушганди.
• 1956 йил — биринчи ислом республикаси — Покистон юзага келди.
• 1983 йил — собиқ иттифоқнинг ултрабинафша телескопи — «Астрон» ишга туширилди.
• 1994 йил — «Аэрофлот» авиакомпаниясининг «А-310» самолёти Междуреченск осмонида ҳалокатга учради.
• 2001 йил — «Мир» орбитал станцияси Тинч океанининг жанубида, Фижи ороллари яқинида чўктириб юборилди.
• 2007 йил — «Трансавиаэкспорт» авиакомпаниясининг «Ил-76» самолёти Могадишода ҳалокатга учради.

Таваллуд кунлари

• 1749 йил — Пьер-Симон Лаплас, француз астрономи, математик (1827 йили в.э.).
• 1881 йил — Роже Мартен дю Гар, француз ёзувчиси, 1937 йилги Нобел мукофоти лауреати (1958 йили в.э.).
• 1887 — Хуан Грис, испан рассоми ва ҳайкалтароши, кубизм асосчиларидан бири (1927 йили в.э.).
• 1910 йил — Акира Куросава, япон кинорежиссёри (1998 йили в.э.).
• 1912 йил — Вернер фон Браун, немис олими, ракетасозлик асосчиси (1977 йили в.э.).