Хабарлар тезкор Телеграм каналимизда Обуна бўлиш ×

Арманистон зилзиласи: 30 йиллик жароҳат

Арманистон зилзиласи: 30 йиллик жароҳат

Фото: «360tv»

Роппа-роса 30 йил аввал, 1988 йилнинг 7 декабрь куни, маҳаллий вақт билан соат 11:41 да Арманистонда кучли зилзила содир бўлди. Ўттиз сония давом этган кучли ер ости тебранишлари (зилзила маркази Спитакда 9-10 баллгача) Арманистон шимолини вайронага айлантирди. Спитак шаҳри бутунлай йўқ бўлиб кетди, Ленинакан (ҳозирги Гюмри), Кировакан (ҳозирги Ванадзор) ва Степанавандан фақат вайроналар қолди. Табиий офатдан 300 дан зиёд шаҳар ва қишлоқлар жабр кўрди.

25 минг киши ҳалок бўлди.

19 минг киши ногиронга айланди.

500 минг киши бошпанасидан айрилди.

Мутахассислар Спитак зилзиласи чоғи Хиросимага ташланган атом бомбасидан 10 баравар кучли энергия ажралиб чиққанини қайд этишган.

Арманистон зилзиласи — умумбашарият фожиаси. Арманистонга бутун собиқ Иттифоқ ёрдам қўлини чўзди, АҚШ, Франция, Швейцария, Буюк Британия, Германия, Австрия, Япония каби мамлакатлардан қутқарувчилар ва шифокорлардан иборат мадад кучлари етиб келди. Имкон қадар вайроналар остида қолиб кетган инсонларнинг ҳаётини сақлаб қолишга ҳаркат қилинди. Жами 111 та мамлакат инсонпарварлик ёрдамини кўрсатди.

Ўттиз сониялик зилзиладан бузилган шаҳарлар, орадан 30 йил ўтган бўлса ҳамки, тўлиқ тикланганишга улгурган эмас. Бугун Арманистонда зилзила бегуноҳ қурбонларини хотирлаш куни.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг