90 ёшли ўқитувчи Гиннесснинг рекордлар китобига кирди
АҚШнинг Мичиган штатида яшовчи 90 ёшли инглиз тили ўқитувчиси Беверли Ҳаннетт-Прайс узоқ йиллик самарали меҳнат фаолияти шарофати билан Гиннесснинг рекордлар китобидан жой олди.
Гиннесс расмий сайтининг хабар беришича, Ҳаннетт-Прайс хонимнинг ўқитувчилик стажи 67 йил-у 142 кунни ташкил этади.
Тажрибали муаллима ўз фаолиятини 1958 йилда бошлаган. Унинг қўлида таҳсил олган минглаб ўқувчилар орасида дунёга машҳур шахслар — актёр Робин Уилямс (марҳум) ҳамда Microsoft компаниясининг собиқ бош директори Стив Балмер ҳам бор.
Ҳозирда Беверли Ҳаннетт-Прайс Мичиган штатидаги «Detroit Country Day School» мактабида дарс беришни давом эттирмоқда — нафақага чиқиш ниятида эмас.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter