АҚШ Эронга қўшин ташлайдими? Трамп жавоб берди
АҚШ президенти Доналд Трамп Эронга қарши қуруқликда операция ўтказиш учун қўшин юбориш ниятида эмаслигини айтди.
Унинг сўзлари Япония бош вазири Санае Такаичи билан Оқ уй томонидан жонли эфирда намойиш этилган қўшма матбуот анжуманида янгради.
«Мен ҳеч қаерга қўшин юбормаяпман. Ва агар юборган бўлсам ҳам, бу ҳақда сизга айтмас эдим», деди Америка етакчиси журналистларга.
Аввалроқ Reuters АҚШ маъмурияти Яқин Шарқдаги операцияни кучайтириш мақсадида минтақада минглаб ҳарбийларни жойлаштириш имкониятини муҳокама қилаётганини ёзганди.
Шунингдек, Доналд Трамп Эрон янги раҳбарларни қидираётганини, чунки Ислом Республикасининг аввалги раҳбарлари «энди у ерда йўқлигини» айтган эди. Унинг қўшимча қилишича, Эрон денгиз флоти ва ҳаво кучлари ҳам йўқ қилинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter