Осиё чемпионлар лигаси: «Насаф» аёллар жамоаси финалда
Кеча, 31 август куни аёллар клублари ўртасида Осиё чемпионлар лигаси мусобақасининг якуний саралаш босқичи ўйинлари бўлиб ўтди.
Хабар берганимиздек, саралашнинг «B» гуруҳига Қарши шаҳри мезбонлик қилди. Кеча «Насаф» жамоаси гуруҳдаги сўнгги ўйинини ўтказди.
«Қаршиликлар»га бу гал Таиланднинг амалдаги чемпиони «College of Asian Scholars» клуби рақиблик қилди. Учрашув 2:1 ҳисоби билан майдон эгаларининг ғалабаси билан якунланди.
Голларга «Насаф» жамоасидан Диёра Ҳабибуллаева ва Людмила Карачик муаллифлик қилди. Таиланд клубининг ягона жавоб голи Орапин Ваенггоен ҳисобига ёзилди.
Шу тариқа Владислав Хан бошчилигидаги клуб Осиё чемпионлар лигаси мусобақасининг финал босқичига йўл олди. Ушбу мусобақа ўйинлари 11 сентябрдан старт олади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter