Бугун Милан-Кортина-2026 қишки Олимпия ўйинларининг тантанали очилиш маросими бўлиб ўтади. Мазкур тадбирда  шорт-трек бўйича Ўзбекистон терма жамоаси аъзоси Даниил Ейбог делегациямиз байроқдори вазифасини бажаради.  

Италия спорт архитектурасининг энг машҳур намуналаридан бири — «Сан-Сиро» стадиони мезбонлик қиладиган тадбир Тошкент вақти билан 7 февралга ўтар кечаси 00:00 да бошланади.

Эслатиб ўтамиз, қишки Олимпия ўйинлари 2026 йил 6–22 февраль кунлари Италиянинг Милан ҳамда Кортина-д’Ампеццо шаҳарларида бўлиб ўтади.

Ўзбекистонлик спортчилар  йилнинг энг нуфузли мусобақасига 4 та йўлланмани қўлга киритган:

• Дмитрий Чигирев ҳамда Екатерина Гейниш — фигурали учишда (жуфтлик йўналишида);
• Медет Назаров — тоғ чанғисининг слалом ва гигант-слалом йўналишларида;
• Даниил Ейбог — шорт-трекнинг, 500 метр масофага югуриш.

Бироқ тайёргарлик жараёнида Дмитрий Чигирев жароҳат олди ва Олимпиадагача тўлиқ соғайиб улгурмади. Шу сабабли, спортчиларимиз фақат тоғ чанғиси ва шорт-трек йўналишларида иштирок этади.