Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тайван фожиаси: кўп қаватли уйдаги ёнғин 46 кишининг умрига зомин бўлди

Тайван фожиаси: кўп қаватли уйдаги ёнғин 46 кишининг умрига зомин бўлди

Фото: NTDTV

Ўтган пайшанба куни Тайваннинг Гаосюн шаҳридаги 13 қаватли уйда юзага келган ёнғин жуда оғир оқибатларга олиб келди, ёзмоқда «Associated Press».

Жума куни олинган маълумотлар ўта даҳшатли — шу уйда яшаб келган 46 киши ёнғин оқибатида ҳалок бўлган. Жароҳат олганлар эса, турли маълумотларга кўра, 40–70 нафар атрофида.

120 хонадонли бу уйда асосан камбағал кексалар ва ногиронлар истиқомат қилган. Жами қанча одам яшагани номаълум. Ёнғин тунги соат 03:00 лар атрофида, одамлар ухлаб ётганида бошланган. Айрим гувоҳлар ёнғиндан аввал портлашга ўхшаш овозни эшитишган, бироқ бу ҳозирча тахмин.

Ҳодиса жойига етиб келган ўт ўчирувчилар 4 соат тилсиз ёв билан курашишган ва одамларни қутқаришга уринишган. «Associated Press» маълумотига кўра, касалхоналарга жўнатилган 55 кишининг 14 нафари йўлда ёки етиб борганидан сўнг вафот этган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг