AnTuTu бенчмарки турли нарх тоифаларида нарх ва унумдорлик нисбати бўйича январ ойининг энг яхши Android-смартфонлари рейтингини эълон қилди.

999 юангача (тахминан 1,7 млн сўм) бўлган бюджет моделлар:

Ушбу тоифада кучли учликдан iQOO Z10x, Redmi Note 15 ва OPPO K12s 5G моделлари жой олди.

1999 юангача (тахминан 3,4 млн сўм):

Бу гуруҳ етакчиси — Redmi Turbo 4. Кейинги ўринларни realme Neo7 Turbo ва iQOO Z10 Turbo+ моделлари эгаллади.

2999 юангача (тахминан 5,1 млн сўм) бўлган субфлагманлар:

OnePlus Ace 6, iQOO Neo10 Pro+ ва realme Neo8 ушбу тоифасидаги энг яхши қурилмалар деб топилди.

3999 юангача (тахминан 6,8 млн сўм) бўлган қурилмалар:

Юқори сегментда realme GT 8 Pro, Honor WIN ва Redmi K90 Pro Max моделлари биринчиликни банд этди.

4000 юандан юқори (6,8 млн сўмдан қиммат) флагманлар:

Энг қиммат сегмент пешқадами — RedMagic 11 Pro. Ундан кейинги поғоналарда — Xiaomi 17 ва RedMagic 11 Pro+.

Экспертларнинг таъкидлашича, смартфон нархи 4000 юандан ошганда, «нарх/унумдорлик» мезони аҳамиятини йўқотади. Бунда танлов кўпроқ фойдаланувчининг шахсий хоҳишлари — экран ўлчами ва тури, тасвир сифати, тизимнинг умумий тезлиги ва бошқа техник хусусиятларга боғлиқдир.

Яқинда AnTuTu бенчмарки мутахассислари нарх/сифат кўрсаткичлари бўйича 2025 йилнинг энг яхши Android-смартфонларини аниқлашганди.