Видео: Дунёдаги энг катта самолёт синовдан ўтказилди
«Stratolaunch» самолёти прототипи.
«Stratolaunch» лойиҳасининг раҳбарларидан бири Пол Аллен ўзининг «Twitter»даги саҳифасига «Stratolaunch» самолёти прототипининг учиш-қўниш йўлагидаги ҳаракати тасвирланган видеони жойлаштирди, деб хабар берди «Hi-News».
Дастлабки ҳисоб-китобларга кўра, ушбу самолёт ҳавога 250 тонна юкни кўтаришга қодир (ўзининг оғирлиги эса 230 тоннага тенг). Биринчи синов парвози 2019 йилга мўлжалланган.
«Stratolaunch» ракета-ташувчи ҳаво платформасидан қуйи орбита орқали юкларни ташишда фойдаланишни режалаштирмоқда. Агарда самолёт парвозни муваффақиятли амалга оширса, у энг йирик самолётга айланади: самолёт қанотларининг узунлиги 117 метрга тенг.
Синов 24-25 февраль кунлари бўлиб ўтди. Самолёт двигателлари ва борт тизими ишини текшириш учун бир неча бор йўлак бўйлаб ҳаракатлантирилди. «Stratolaunch» учиш-қўниш йўлагида ўз тезлигини 40 узелга қадар етказди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter