Xabarlar tezkor Telegram kanalimizda Obuna bo'lish ×

Fotoreportaj. Chegarachilar faoliyatiga bir nazar

Fotoreportaj. Chegarachilar faoliyatiga bir nazar

Foto: «Xabar.uz»

Bugun, 30-mart kuni jurnalistlar va blogerlar uchun maxsus uyushtirilgan media-turda Davlat xavfsizlik xizmati Chegara qo‘shinlari boshqarmasi tomonidan ma’lum qilinishicha, O‘zbekiston-Qozog‘iston davlat chegarasidagi «G‘ishtko‘prik» o‘tkazish punkti orqali O‘zbekistondan chiqib ketuvchilarni pasport nazoratidan o‘tkazish uchun 9 ta kabina va 18 nafar xodim faoliyat ko‘rsatadi. Bir kishining O‘zbekiston hududiga kirib, barcha chegara va bojxona jarayonlaridan o‘tishi yuksiz holatda o‘rtacha 3,5−4 daqiqani olmoqda. Bu vaqtning katta qismi esa oraliq masofani piyoda bosib o‘tishga sarflanmoqda.

Hozirda O‘zbekiston bilan qo‘shni davlat chegaralarida 69 ta o‘tkazish punktlari faoliyat ko‘rsatayotgan bo‘lsa, ular orqali kuniga 120 mingdan ziyod kishi kirib-chiqmoqda. Ularning to‘rtdan bir qismi esa aynan «G‘ishtko‘prik» (Qozog‘istonda — «Jibek joli») hissasiga to‘g‘ri keladi.

Chegara o‘tkazish majmuasi o‘tkazuvchanligini oshirish maqsadida ikki davlat o‘rtasidagi kelishuvga ko‘ra yuk mashinalarini boshqa — «Toshkent» va «Navoiy» o‘tkazish punktlari orqali o‘tkazish yo‘lga qo‘yildi, deydi DXX Chegara nazorati boshqarmasi boshlig‘i Sobir O‘rinboyev.

«G‘ishtko‘prik» o‘tkazish punkti zamonaviy skanerlash uskunalari bilan ta’minlangan. Yaqinda yirik hajmli yuklarni qisqa fursatda skaner qilishga mo‘ljallangan uskuna ham o‘rnatildi. Bu chegarani kesib o‘tish jarayonini yanada tezlashtiradi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring