Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Prezident farmoni: vazirlik tashkil etildi

Prezident farmoni: vazirlik tashkil etildi

O‘zbekiston Respublikasi Prezidenti Shavkat Mirziyoyev «Turizm, sport va madaniy meros sohalarida davlat boshqaruvi tizimini yanada takomillashtirish chora-tadbirlari to‘g‘risida»gi farmonni imzoladi.

Farmonga asosan, Jismoniy tarbiya va sport vazirligi hamda Turizmni rivojlantirish davlat qo‘mitasi negizida Turizm va sport vazirligi tashkil qilindi.

Shuningdek, Vazirlar Mahkamasining ijro etuvchi tuzilmasida:

Bosh vazir o‘rinbosari – Turizmni rivojlantirish davlat qo‘mitasi raisi lavozimi tugatildi;

Bosh vazir o‘rinbosari – turizm va sport vaziri lavozimi kiritildi;

Sport va turizmni rivojlantirish masalalari kotibiyati Turizm, sport, madaniyat va ommaviy kommunikatsiyalar masalalari kotibiyati etib qayta nomlandi va uning boshqaruv xodimlarining umumiy cheklangan soni 15 nafar etib belgilandi;

Ta’lim, sog‘liqni saqlash, madaniyat, yoshlar, ma’naviyat va jamoat tashkilotlari, mahalla va oilani qo‘llab-quvvatlash masalalari kotibiyati Ta’lim, sog‘liqni saqlash, yoshlar, mahalla va oilani qo‘llab-quvvatlash masalalari kotibiyati etib qayta nomlandi va uning boshqaruv xodimlarining umumiy cheklangan soni 18 nafar etib belgilandi;

Davlat tilini rivojlantirish departamenti Ma’naviyat va davlat tilini rivojlantirish masalalari departamenti etib qayta nomlandi va uning boshqaruv xodimlarining umumiy cheklangan soni 7 nafar etib belgilandi;

10 ta shtat birligidan iborat Madaniy merosni himoya qilish inspeksiyasi tashkil etildi. Madaniy merosni himoya qilish inspeksiyasi shtat birliklari O‘zbekistonga oid xorijdagi madaniy boyliklarni tadqiq etish markazining 10 ta shtat birligini qisqartirish hisobiga shakllantiriladi.

Turizm va sport vazirligi Jismoniy tarbiya va sport vazirligi hamda Turizmni rivojlantirish davlat qo‘mitasining huquqlari, majburiyatlari va shartnomalari, shu jumladan, xalqaro shartnomalari bo‘yicha huquqiy vorisi hisoblanishi belgilandi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring