Andijonda gaz koni topildi
Andijon viloyatining Buloqboshi tumanidagi «Uchtepa» konining 7-qidiruv qudug‘ida tabiiy gazning yangi manbasi topildi. Bu haqda «O‘zbekneftgaz» AJ matbuot xizmati ma’lum qildi.
Mazkur hududdan sutkasiga o‘rtacha 300-350 ming kub metr tabiiy gaz chiqmoqda.
7-qidiruv qudug‘i 1350 metr chuqurlikkacha burg‘ilangan. Endi 10 kun davomida tegishli parametrlarni (bosim, harorat, gaz tarkibi va hokazo) aniqlash uchun gaz-kondensat tadqiqot ishlari olib boriladi.
Yangi konning ochilishi Farg‘ona vodiysi aholisini tabiiiy gaz bilan ta’minlashni yaxshilashi aytilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter