Facebook siyosatga oid xabarlar hajmini kamaytiradi
Facebook ijtimoiy tarmog‘i foydalanuvchilarning yangiliklar lentasida paydo bo‘ladigan siyosiy kontent hajmini kamaytirmoqchi.
Kompaniya rahbari Mark Sukerberg o‘zining moliyaviy hisobotida odamlar tez-tez o‘zlariga tegishli sahifalarda siyosat haqidagi xabarlarni ko‘rishni istamasliklari haqida arz qilishlarini aytib o‘tgan. Foydalanuvchilar talablarini inobatga olgan holda, kopmaniya bir necha oy davomida turli xil sinov ishlari o‘tkazib ko‘rishini aytgan.
Kompaniya rahbariyati ta’kidlashicha, ushbu hafta Kanada, Braziliya va Indoneziyadagi foydalanuvchilar orasida, yaqin haftalarda esa AQShda siyosatga oid postlar soni kamayadi.
Facebook davlat idoralaridan kelgan xabarlarni, shuningdek, sog‘liqni saqlash idoralari tomonidan nashr etiladigan koronavirus haqidagi ma’lumotlarni cheklamaydi.
AQShda foydalanuvchilarning yangiliklar lentasida ko‘rgan barcha xabarlarning taxminan 6 foizini siyosiy kontent tashkil qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter