Farg‘onada media kelajagiga ijobiy ta’sir ko‘rsatuvchi yirik forum bo‘lib o‘tdi
Farg‘onada media kelajagiga ijobiy ta’sir ko‘rsatuvchi yirik forum bo‘lib o‘tdi. Mingga yaqin ishtirokchini jamlagan media forumda yangi media loyihalar, kreativ tashabbuslar hamda axborot makonida samarali ishlashga qaratilgan innovatsion yechimlar taqdim etildi.
Tadbir OAV uchun kontent tayyorlash markazi, Yoshlar ishlari agentligi hamda O‘zbekiston Jurnalistlar uyushmasi hamkorligida tashkil etildi.
Media forum doirasida jurnalistlar, blogerlar, SMM mutaxassislari, mobilograflar, matbuot kotiblari va yosh ijodkorlar o‘zaro tajriba almashib, media sohasining buguni va ertangi rivojlanish yo‘nalishlari yuzasidan fikr almashdilar.
Tadbir yakunida media haftalik doirasidagi trening va seminarlarda faol ishtirok etgan qatnashchilar sertifikatlar bilan taqdirlandi. Forum nafaqat yakuniy sarhisob, balki yangi media g‘oyalar va istiqbolli hamkorliklar uchun muhim muloqot maydoniga aylandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter