Global isish va abadiy muzliklarning erishi noma’lum viruslarning paydo bo‘lishiga olib kelishi mumkin. Bu esa insoniyatga oldindan aytib bo‘lmaydigan oqibatlar bilan tahdid qilishi mumkin. Nobel mukofoti sovrindori Raye Kvon Chung bu haqda RIA «Novosti» nashriga bergan intervyusida ma’lum qildi. 

Nobel mukofoti sovrindori Raye Kvon Chung muzlik viruslari tahdidi haqida ogohlantirdi. 

«Menimcha, biz qanday viruslar borligini ham bilmaymiz. Kuydirgi bilan bog‘liq vaziyat shunchaki bitta misol, ammo bundan ham yomonroq bo‘lishi mumkin», deb tushuntirdi olim. 

Uning so‘zlariga ko‘ra, bu viruslarni Shimoliy Rossiya, Kanada va Grenlandiya muzliklarida topish mumkin. 

Ilmiy ma’lumotlar yuzlab viruslarning tarqalishi ehtimolini tasdiqlaydi, ularning ba’zilari odamlar uchun xavf tug‘dirishi mumkin. Chung bir necha yil oldin nashr etilgan ilmiy hisobotga ishora qilib, tundrada abadiy muzliklarning erishi natijasida yuzlab viruslar tarqalishi mumkinligini, ularning ba’zilari esa insoniyat uchun jiddiy tahdid ekanligini aniqladi.