O‘zbekistonda barcha transport turlarini uzviy bog‘lagan holda yagona transport tizimi rivojlantiriladi.

Bu haqda O‘zbekistonning 2022—2026-yillarga mo‘ljallangan taraqqiyot strategiyasida aytiladi.

Qayd etilishicha, yirik shaharlar o‘rtasida kunlik transport qatnovlari bo‘yicha uzog‘i bilan 6-7 soatda manzilga yetib borish va qaytib kelish imkoniyati yaratiladi.

Shuningdek, havo transportini rivojlantirish orqali shaharlararo qatnovlarda aholi mobilligi oshiriladi. Bunda:

- mahalliy tashuvlarda xususiy va loukoster aviakompaniyalar ulushi bosqichma-bosqich 25 foizgacha oshiriladi;
- mahalliy aviaqatnovlar sonini haftasiga 48 tadan 80 taga hamda tutashuvchi qatnovlar soni 4 tadan 8 taga yetkaziladi.
Ijtimoiy talablardan hamda zaruriyatdan kelib chiqqan holda yangi va mavjud mahalliy aviaqatnov yo‘nalishlarini subsidiyalash davom ettiriladi. Hududlardagi har bir aeroportni texnik holatidan kelib chiqib iqtisodiy hisob-kitoblar asosida rivojlantirish konsepsiyasi va har bir aeroport bo‘yicha manzilli dastur ishlab chiqiladi.

Avvalroq ayrim toifadagi o‘qituvchilar oyligi oshirilishi ma’lum qilingandi.