«National Geographic» jurnali Markaziy Osiyoda borib ko‘rish zarur bo‘lgan 5 ta joyni qayd etdi.

Boy madaniyat va rang-barang landshaftlariga qaramay, Markaziy Osiyo davlatlari katta birlik sifatida qabul qilinadi va ko‘pincha e’tiborsiz qoladi. Ammo bu hududda o‘zining go‘zal tabiati, tarixi va qadimiy an’analari bilan mashhur bo‘lgan ko‘plab shaharlar bor, deb yozadi «National Geographic».

1. Qozog‘istondagi tog‘ yonbag‘rida joylashgan «Medeo» sport majmuasi. Bu majmua Olmotada joylashgan. U qish mavsumida o‘zining qorli archalari, tog‘lari va moviy osmoni bilan ertakni eslatadi.

2. Qirg‘izistondagi «Toshrabot» saroy majmuasi. 600 yillik tarixga ega tosh qal’asi Norin viloyatida joylashgan.

3. Tojikistondagi Pomir dovoni. Bu tog‘yo‘li Badaxshon avtonom viloyatida joylashgan.

4. Turkmanistondagi «Gonur-Depe» qadimiy nekropoli. Bu tepalik eramizdan avvalgi 2300 yillarda ham bo‘lgan.

5. O‘zbekistonning Buxoro shahri.Markaziy Osiyoning muqaddas shaharlaridan biri bo‘lib, unda o‘tmish va bugungi kun aks etgan.