Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

«O‘zbekiston havo yo‘llari» «Airbus A320neo» samolyotidan foydalanishni boshladi

«O‘zbekiston havo yo‘llari» «Airbus A320neo» samolyotidan foydalanishni boshladi

Foto: «O‘zbekiston havo yo‘llari»

Bugun 14-mart kuni «O‘zbekiston havo yo‘llari» aviakompaniyasi «Airbus A320neo» samolyoti orqali parvozlarga start berdi. Bu haqda kompaniya matbuot xizmati ma’lum qildi.

Ilk reys mahalliy vaqt bilan 13:40 da  Tashkent-Boku-Tashkent yo‘nalishida amalga oshirilgan.

11-mart kuni Toshkent xalqaro aeroportiga «Airbus A320neo» samolyoti keltirilgani haqida saytimizda xabar bergan edik.

Ushbu layner ikki klassli komponovkada ishlangan bo‘lib, 150 yo‘lovchini (biznesda - 12ta, ekonom klassda - 138ta) tashishga mo‘ljallangan. Yangi samolyot  yoqilg‘i tejamkorligini ta’minlovchi «CFM Internetional» kompaniyasining LEAP-1A dvigatellari va aerodinamik xususiyatlarini yanada yaxshilash imkonini beruvchi fyuzelyaj konstruksiyasidagi zamonaviy ishlanmalar tufayli oldingilariga nisbatan 20 foizga tejamkordir.

«Airbus A320neo» samolyotining parvoz masofasi 4,5 ming 5 ming kilometrgacha uzaytirilgan. Bu «O‘zbekiston havo yo‘llari»ga Markaziy Yevropa bo‘ylab qatnovlarni amalga oshirish imkonini beradi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring