Parhez og‘iz bo‘shlig‘i kasalliklarining oldini olishda muhim rol o‘ynashi mumkin. Bu o‘nlab tadqiqotlar ma’lumotlarini tahlil qilgan olimlar tomonidan chiqarilgan xulosa sanaladi. Natijalar Food Science & Nutrition (FCN) jurnalida chop etildi. 

Sharh mualliflari bioaktiv moddalarga boy oziq-ovqatlar tishlar va milklarga foyda keltirishi mumkinligini aniqladilar.

Bularga ko‘k choy, olma, pomidor, sarimsoq, asal, probiotik yogurtlar va kefir, shuningdek, yong‘oqlar, bargli ko‘katlar, rezavorlar, dengiz mahsulotlari va antioksidantlar, polifenollar, vitaminlar va minerallarni o‘z ichiga olgan boshqa oziq-ovqatlar kiradi. 

Tadqiqotlarga ko‘ra, ko‘k choy milk yallig‘lanishiga va yomon nafasga olib keladigan bakteriyalarning o‘sishini sekinlashtirishi mumkin. Probiotik sut mahsulotlari og‘iz mikroflorasining sog‘lom muvozanatini saqlashga yordam beradi, olma esa tupurik ishlab chiqarishni rag‘batlantiradi, bu esa tishlarni tabiiy tozalashga yordam beradi. 

Biroq, olimlar hatto eng foydali oziq-ovqatlar ham muntazam ravishda tish cho‘tkasi va stomatologik jarayonlarning o‘rnini bosa olmasligini ta’kidlaydilar. Bundan tashqari, kislotali mevalar va sharbatlar ortiqcha iste’mol qilinganda tish emaliga zarar etkazishi mumkin, shuning uchun me’yorida ovqatlanish va og‘iz gigiyenasini to‘g‘ri saqlash muhimdir.