Toshkentning «jinoiy avtoritet»ligiga da’vo qilgan Abbos Xo‘jayev ishi sudda ko‘rilmoqda
Kriminal olamda mashhur bo‘lgan Abbos Xo‘jayev ishi jinoyat ishlari bo‘yicha Olmazor tumani sudida ko‘rilmoqda. Bu haqda «UzNews.uz» xabar bermoqda.
Xabarda aytilishicha, Abbos Xo‘jayev 2017-yilning 13-sentyabr kuni soat taxminan 17:00 da ichki ishlar idoralari xodimlari tomonidan Mirobod tumani hududida o‘tkazilgan tadbir davomida ushlangan. Bu haqda Toshkent shahar Ichki ishlar boshqarmasi rasmiy saytida xabar berilgan. U giyohvand moddalar saqlashda gumonlanib qo‘lga olingani aytilmoqda.
«UzNews.uz»ning ma’lum qilishicha, Abbos Xo‘jayev ayblanuvchi sifatida ishtirok qilayotgan sud jarayonining navbatdagi majlisi mart oyining so‘nggi kunlariga belgilangan. Ayni paytda sud-tergov jarayoni doirasida himoyachi hamda guvohlarning fikrlari tinglanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter