Tramp Jorj Bush davridagi mansabdorni yangi lavozimga tayinlaydi
AQSh prezidentining milliy xavfsizlik bo‘yicha yordamchisi general Gerbert Makmaster lavozimini tark etadi. Bu haqida prezident Donald Tramp «Twitter»dagi sahifasida ma’lum qilgan.
Iste’fo 9-aprel kuni bo‘lib o‘tadi. Ommaviy axborot vositalarida Tramp va Makmaster mazkur masalani oxirgi bir necha hafta davomida muhokama qilgani haqida ma’lumot berilgandi. Amaldorning iste’fosi haqida e’lon qilar ekan, Tramp unga mislsiz xizmati uchun minnatdorlik bildirgan va har doim do‘st bo‘lib qolishlarini ta’kidlagan. Makmaster ham o‘z navbatida bir necha oydan so‘ng 34 yillik xizmati singgan AQSh qurolli kuchlari safidan ketmoqchi ekanligini ma’lum qilgan.
Trampning milliy xavfsizlik bo‘yicha yordamchisi lavozimini kichik Jorj Bush davrida AQSh davlat kotibi yordamchisi va AQShning BMTdagi doimiy vakili bo‘lgan Jon Bolton egallaydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter