Menni Pakyao boksga qaytdi. Ilk jang manzili va sanasi ma’lum
Sakkiz vazn toifasida sobiq jahon chempioni, 46 yoshli Menni Pakyao professional boksga qaytmoqda. Katta tanaffusdan keyingi ilk jangini u amerikalik Mario Barriosga qarshi 19-iyulda Las-Vegasda o‘tkazadi. Bu haqda filippinlik boks afsonasi 21-may kuni ijtimoiy tarmoqda ma’lum qildi.
«Men qaytdim. WBC jahon chempioni Mario Barriosga qarshi 19-iyulda Las-Vegasdagi MGM Grand arenasi ringiga ko‘tarilaman», — deb yozdi Pakyao.
30 yoshli Barrios professional ringda 29 marta g‘alaba qozongan, hisobida ikkitadan durang va mag‘lubiyat bor.
Menni Pakyao — sakkiz vazn toifasida chempion bo‘lgan yagona bokschi. Faoliyati davomida 62 marta g‘alaba qozonib (39 tasida nokaut), ikki jangida durang qayd etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter