Xabarlar tezkor Telegram kanalimizda Obuna bo'lish ×

Jahonning eng kuchli qurolli kuchlari reytingi yangilandi

Jahonning eng kuchli qurolli kuchlari reytingi yangilandi

Foto: «Pinterest»

«Global Firepower» eng kuchli armiyalar reytingini yangiladi: jami 137 mamlakat orasida O‘zbekiston 48-o‘rinni egalladi.

O‘tgan yilgi reytingda O‘zbekiston 39-o‘rinda edi.

Markaziy Osiyoning boshqa mamlakatlari reytingda quyidagicha joylashdi: Qozog‘iston — 54-o‘rin (o‘tgan yili — 50-o‘rin), Turkmaniston — 75-o‘rin (o‘tgan yili — 80-o‘rin), Qirg‘iziston — 91-o‘rin (o‘tgan yili — 91-o‘rin), Tojikiston — 94-o‘rin (o‘tgan yili — 96-o‘rin).

Afg‘oniston armiyasi ushbu reytingda 74-o‘rin (o‘tgan yili — 71-o‘rin)dan joy oldi.

Dastlabki uch o‘rinda — AQSh, Rossiya va Xitoy.

Shuningdek, Hindiston, Fransiya, Yaponiya, Janubiy Koreya, Buyuk Britaniya, Turkiya va Germaniya yetakchi o‘nlikda.

Reytingdagi oxirgi uch mamlakat — Surinam, Liberiya va Butan.

«Global Firepower» reytingi 55 xil ko‘rsatkichga asoslanadi, qurol-yarog‘ning nafaqat umumiy soni, balki xilma-xilligi ham e’tiborga olinadi. Reyting asoslangan formula kichik, ammo texnologik jihatdan taraqqiy etgan mamlakatlarga yirik, biroq texnologiyalari qoloqroq mamlakatlar bilan raqobatlashish imkonini beradi.

Reytingni tuzishda geografik omillar, logistik qulayliklar, tabiiy resurslar, moliyaviy barqarorlik, ichki sanoatning rivojlanganlik darajasi inobatga olinadi. Mazkur reytingda yadro qurollarining mavjudligi, dengizga chiqish yo‘llari bo‘lmagan mamlakatlarda flotning yo‘qligi ahamiyatga ega emas.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring