Дания бош вазири: «Трамп куч ишлатса, ҳаммаси тугайди»
Дания Бош вазири Метте Фредериксеннинг фикрича, АҚШнинг Гренландияга даъволари НАТОнинг қулашига олиб келиши мумкин.
«Агар АҚШ бошқа НАТО мамлакатига қарши ҳарбий куч ишлатишга қарор қилса, унда ҳамма нарса тўхтайди», деди у. Бу ҳақда Associated Press хабар бермоқда.
Гренландия Бош вазири Йенс Фредерик Нилсен ҳам АҚШ Гренландияга қарши бирон бир ҳарбий ҳаракат амалга оширса, ҳалокатли оқибатлар ҳақида огоҳлантирди.
APʼнинг таъкидлашича, Дания ва Гренландия бош вазирларининг баёнотлари АҚШнинг Венесуэладаги операциясидан кўп ўтмай, президент Николас Мадуро ва унинг рафиқаси ўғирлаб кетилган ва наркотерроризмда айбланиб, АҚШга олиб келинганидан кўп ўтмай қилинган.
Аввалроқ АҚШ президенти Доналд Трамп Даниянинг автоном ҳудуди бўлган Гренландия ороли Қўшма Штатлар томонидан мудофаа мақсадларида зарурлигини айтган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter