Гонконгда юк самолёти денгизга тушиб кетди: икки киши ҳалок бўлган
Гонконг халқаро аэропортида Дубайдан келаётган Boeing 747 юк самолёти қўниш пайтида йўлакдан ташқарига чиқиб кетиб, денгизга тушиб кетди. Бу ҳақда Reuters аэропорт маъмуриятига таянган ҳолда хабар берди.
Ҳодиса маҳаллий вақт билан соат 03:50 да рўй берган. Flightradar24 маълумотига кўра, самолёт турк авиакомпанияси AirACT томонидан Emirates учун юк рейсини амалга ошираётган бўлган.
Тахминларга кўра, самолёт ердаги хизмат машинасига урилган бўлиши мумкин. Чунки ҳодиса оқибатида машинада бўлган икки аэропорт ходими ҳалок бўлган. Аввалига улар бедарак деб ҳисобланган, кейин бири денгиздан ўлик ҳолда топилган, иккинчиси эса касалхонада вафот этган.
Авиаҳодиса оқибатида аэропортнинг шимолий қўниш йўлкаси вақтинча ёпилди.
Самолёт экипажи жабрланмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter