Ироқда қулаган самолётда 4 нафар ҳарбий ҳалок бўлди – АҚШ Марказий қўмондонлиги
АҚШга тегишли KC-135 ёқилғи қуйиш самолёти Ироқнинг ғарбий қисмида қулаган. Бу ҳақда АҚШ ҳарбийлари расман маълум қилди.
Маълумотларга кўра, самолёт бортда 6 нафар экипаж аъзоси билан парвоз қилаётган бўлган. Қутқарув ишлари давом этаётган бир пайтда 4 нафар ҳарбийнинг ҳалок бўлгани тасдиқланган.
Ҳодиса 12 март куни АҚШ вақти билан тахминан соат 14:00 атрофида содир бўлган.
Самолёт ҳалокати сабаблари ҳозирда текширилмоқда. Шу билан бирга, дастлабки маълумотларга кўра, самолётнинг қулаши бирор ҳужум билан боғлиқ эмас.
Ҳалок бўлган ҳарбийларнинг шахси эса уларнинг яқин қариндошлари расман хабардор қилинганидан 24 соат ўтгач эълон қилиниши айтилган.
Эслатиб ўтамиз, авалроқ Ироқ ғарбида АҚШнинг KC-135 ёқилғи қуювчи самолёти уриб туширилгани ва ҳодиса оқибатида олти кишидан иборат бутун экипаж ҳалок бўлгани хабар қилинган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter