Хабарлар тезкор Телеграм каналимизда Обуна бўлиш ×

Киноюлдуз Том Хэнкс ва унинг рафиқаси коронавирус билан касалланди

Киноюлдуз Том Хэнкс ва унинг рафиқаси коронавирус билан касалланди

Фото: Reuters

Америкалик киноактёр Том Хэнкс ва унинг рафиқаси Рита Уилсон коронавирус билан касалланди. Бу ҳақда актёрнинг ўзи Твиттердаги саҳифасида ёзиб қолдирган.

Унинг айтишича, эр-хотин Австралияда бўлганида соғлигида муаммолар борлигини сезган. Касаллик аломатлари эса коронавирусга ўхшаб кетарди. Юлдузли жуфтлик таваккал қилмаган ва тиббий кўрикдан ўтган. Натижада Хэнкслар оиласида коронавирус аниқланди.

Энди улар лозим бўлган даволаниш ва карантин ҳолатидан ўтиши лозим. Айни вақтда Австралияда 128 киши коронавирусга учрагани айтилмоқда. Улардан 3 киши вафот этган.

Эслатиб ўтамиз, кеча, 11 март санасида Бутунжаҳон соғлиқни сақлаш ташкилоти COVID-19 коронавирусини бир неча давлатга тарқалган пандемия сифатида тан олди. Охирги маълумотларга қараганда бутун дунё бўйлаб касалликка учраганлар сони 120 мингдан ошиб кетди. Улардан 4,3 мингдан ошиғи вафот этган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг