Бир муддат олдин Венесуела мухолифатчиси Мария Корина Мачадонинг Нобел медалини Трампга топширгани хабар қилинган эди.

Қайд этилишича, Норвегия Нобел қўмитаси АҚШ президенти Доналд Трампга Мария Корина Мачадонинг Нобел тинчлик мукофоти медалини сақлаб қолишга ваколат берган.

Ташкилот бу ҳақда Х ижтимоий медиа платформасида эълон қилди.

«Медал қўлдан қўлга ўтиши мумкин, аммо Нобел тинчлик мукофоти совриндори унвони ўзгармайди», – дейилади баёнотда.

Аввалроқ Қўмита «Нобел мукофоти бекор қилиниши, бўлиниши ёки ўтказилиши мумкин эмас»лигини ҳамда «қарор абадий кучда қолиши» ҳақдиа баёнот берган эди.

Эслатиб ўтамиз, 6 январ куни Венесуела мухолифати етакчиси Мария Корина Мачадо мамлакатга қилинган ҳужумлардан сўнг АҚШ президентига 2025 йилда олган Нобел тинчлик мукофотини беришга тайёр эканлигини билдирди. Унинг сўзларига кўра, мукофотни олганида, уни Америка раҳбарига бағишлаган, чунки у «Трамп бунга лойиқ», деб ҳисоблаган. Мухолифат етакчисининг таъкидлашича, 3 январ куни Трамп кўпчилик имконсиз деб ҳисоблаган нарса – Мадуро ҳокимиятини йиқитишга «эришган».

15 январ куни Трамп Оқ уйда Мачадо билан учрашди. Музокаралардан сўнг, мухолифат етакчиси АҚШ президентига Нобел тинчлик мукофоти медалини топширганини эълон қилди. Фох Невс телеканалининг хабар беришича, Америка етакчиси уни қабул қилган.