«Биз НАТО парчаланишини кузатяпмиз» – алянснинг собиқ бош котиби
НАТОнинг собиқ бош котиби Андерс Фог Расмуссен Европа давлатларини янги мудофаа иттифоқи тузишга чақирди.
«Ҳозир кузатаётганимиз – НАТОнинг парчаланишидир», – деди у WELT нашрига берган интервьюсида.
Расмуссеннинг таъкидлашича, Европа ўз хавфсизлигини мустақил таъминлашга тайёр бўлиши керак. Унинг фикрича, янги мудофаа режалари ишлаб чиқилиши, ҳарбий имкониятлар кенгайтирилиши ҳамда Украина эса келажак хавфсизлик тизимининг доимий қисми бўлиши лозим.
Собиқ бош котиб Украина қисқа вақт ичида янги қурол ва ўқ-дорилар ишлаб чиқишда катта суръат кўрсатаётганини таъкидлаб, «Бизга Россияга қарши қалқон сифатида Украина керак», деди.
Маълумот учун, Андерс Фог Расмуссен 2009–2014 йилларда НАТО бош котиби лавозимида ишлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter